ଜ୍ୟାମିତି ବାକ୍ସରେ ଜୀବନ - ନାରାୟଣ ସାହୁ
ଆରେ ମାପିନିଅ
ନିଜର ଜୀବନର
ବାସ୍ତବତାକୁ,
ଜ୍ୟାମିତି ବାକ୍ସରେ ଥିବା ସେଇ
ପନ୍ଦର ସେଣ୍ଟିମିଟର
ଜ୍ଞାନ ରୂପକ ସ୍କେଲ ରେ।
ଆଉ ଆଙ୍କି ଦିଅ ଗୋଟେ ସୁନ୍ଦର
ବୃତ୍ତ ରୂପକ ସ୍ମୃତି ,
ଚିହ୍ନଟି ପ୍ରେମର କେନ୍ଦ୍ରବିନ୍ଦୁ
ଟାଣିଦିଅ ସ୍ନେହ , ଶ୍ରଦ୍ଧା
ଓ ଆପଣାପଣ ରୂପକ
ବ୍ୟାସାର୍ଦ୍ଧ, ବ୍ୟାସ ଆଉ ଜ୍ୟା!
ସୁଖ ଓ ଦୁଃଖ ଭରା ସେହି
ପେନ୍ସିଲ୍ ଆଉ କମ୍ପାସରେ।
ନିଜର ଭୁଲ୍ ଓ ଠିକ୍
ପାପ ଓ ପୁଣ୍ୟକୁ ବି
ପ୍ରତିକ୍ଷଣ ମାପିନିଅ
ଅନ୍ତଃବିବେକ ରୂପକ
ସେଇ ଶହେଅଶି ଡିଗ୍ରୀ
ପ୍ରୋଟାକ୍ଟର୍ ରେ ।
ଆଉ ଲିଭେଇଦିଅ ,
ପେନ୍ସିଲ୍ ରେ ଚିତ୍ରି ଥିବା ସବୁ
ଭୁଲ୍ ଓ ପାପକୁ
ପଶ୍ଚାତାପ ରୂପକ
ସେହି ରବର ରେ।।
It's very pure how you narrate the life on the geometry box.
ReplyDeleteThank you so much 🙏
DeletePost a Comment