ଅଲେଖା ଏ ଚିଠି - ପ୍ରଶାନ୍ତ କୁମାର ସାହୁ
ନିସଙ୍ଗତାର ଗହନ ବନରେ
ମନରେ ଉଙ୍କି ମାରୁଥିବା
ଭାବନାର ଅଜସ୍ର ଲହରୀ ।
ଜନ୍ମ ନିଏ
ଏକ ଅଲେଖା ଚିଠି........
ଦିଗନ୍ତ ପ୍ରସାରୀ ଅପରୂପ ପ୍ରକୃତି
ସବୁଜ ବନାନି ଘେରା
ନିର୍ଜନ ଏ ଛୋଟିଆ କୁଟୀର ।
କେଡେ ମନୋହର ......
ମହୁମାଛିର ଗୁଣୁ ଗୁଣୁ ଶବଦ
ନୀଳ ଆକାଶରେ ପକ୍ଷୀଙ୍କ ସମ୍ଭାର ।
ଶାନ୍ତ ସ୍ୱର୍ଣାଭ ଧାନ ଖେତ
ସବୁଜିମା ଭରା ସୋରିଷ କିଆରୀ ।
ନଦୀରେ ଚିରପ୍ରବାହିତ ଜଳରାଶି
ଝରଣାର ଝର ଝର ନିନାଦ ।
ଭାବନା ରାଇଜର ଏ ଚିଠିରେ
ଲେଖିଯାଏ କିଛି ଅକୁହା କଥା ।
ଆଖିରେ ଶୁଷ୍କପ୍ରାୟ ଲୁହର ଧାରା
ହୃଦୟରେ କୋହଭରା ସ୍ମୃତିର ଝରା ।
କିଏ ଲେଖିବ
ମୋ ଚିଠିର ଜବାବ !
କାହା ପାଖରେ ଅଛ
ମୋ ମନର ଠିକଣା !
Post a Comment