ଜୟ ଶ୍ରୀରାମ - ନନ୍ଦିନୀ ରାଉତ
ଶ୍ୟାମ ଦୁର୍ବାଦଳ ରୁପକୁ
ସୁନ୍ଦର ଯେ ଚେହେରା ,
ମାତା କୌଶଲ୍ୟା ଙ୍କ ଅମୂଲ୍ୟ
ଧନ ଦୁଃଖ ପାଶୋରା....
ରଘୁ କୁଳ ଚନ୍ଦ୍ର ତିଳକ
ପ୍ରଭୁ ପୁରୁଷୋତ୍ତମ,
ଅଯୋଧ୍ୟା ବାସୀଙ୍କ ଜୀବନ
ଦଶରଥ ଙ୍କ ଧନ....
ରାକ୍ଷସ କୂଳକୁ ମାରିଣ
ଭାରା ନିବାରଣରେ ,
ଋଷିଙ୍କୁ ସାହାଯ୍ୟ କରିଲ
ପୁଣି ଯଂଜ୍ଞ କାର୍ଯ୍ୟ ରେ....
ଶିବଧନୁ ଭାଙ୍ଗି ଲଭିଲ
ଜନକଙ୍କ କୁମାରୀ ,
ଅଲିଅଳି ରାଜ ନନ୍ଦିନୀ
ମାତା ଯା' ବସୁନ୍ଧରୀ....
ପିତୃ ସତ୍ୟ ପାଳି ସାଙ୍ଗରେ
ଭ୍ରାତା ପତ୍ନୀ ଙ୍କୁ ନେଇ ,
ଚତୁର୍ଦ୍ଦଶ ବର୍ଷ ବୁଲିଲ
ତୁମ୍ଭେ ଅରଣ୍ୟ ଯାଇ....
ମାରିଲ ସୁବାହୁ ମାରିଚ
ମାୟାବୀ ସେ ଅସୁର ,
ପ୍ରତିଷ୍ଠା କରିଲ ଶାନ୍ତିକୁ
କଲ ମର୍ତ୍ତ୍ୟ ସୁନ୍ଦର....
ସୀତାଙ୍କୁ ହରଣ କରିଲା
ପାପୀ ସେ ଦଶାନନ ,
ସୁଗ୍ରୀବ ଙ୍କ ସଙ୍ଗେ ମିତ୍ରତା
କରି ବାଳୀ ମରଣ.....
ହନୁମାନ ପରି ଭୃତ୍ୟ ଙ୍କ
ସାଥେ ଲଙ୍କା ଗମନ ,
ବାନର ସେନାଙ୍କୁ ଧରିଣ
କଲ ଲଙ୍କା ଦହନ.....
ସ୍ଵର୍ଣ୍ଣପୁରୀ ଲଙ୍କା ନରେଶ
ରାବଣ କୁ ମାରିଣ ,
ପତ୍ନୀ ଉଦ୍ଧାରିଣ ପ୍ରଭୁ ହେ
ଅଯୋଧ୍ୟା କୁ ଗମନ....
ପ୍ରଜାଙ୍କ ମଙ୍ଗଳ କାରଣେ
ନିଜେ ସହିଲ ଦୁଃଖ ,
ଜନକ ନନ୍ଦିନୀ କରିଲେ
ବନେ ଅନେକ ଶୋକ ....
ଅଶ୍ୱ ମେଧ ଯଂଜ୍ଞ କରିଲ
ସ୍ବର୍ଣ୍ଣ ସୀତା ଗଢ଼ିଣ ,
ସୀତା ମାତା ଶେଷେ କରିଲେ
ପାତାଳ କୁ ଗମନ....
ଦେବତା ହୋଇଣ ସହିଲ
ତୁମ୍ଭେ କେତେ କଷଣ ,
ମର୍ଯ୍ୟାଦା ପୁରୁଷୋତ୍ତମ ହେ
ସବୁ ତୁମ୍ଭ ଭିଆଣ....
ତୁମ୍ଭ ପଦ୍ମ ପାଦେ ପ୍ରଭୁହେ
ମୋତେ ଦେବ ଶରଣ ,
ମାରିଲେ ମାରିବ ନ ହେଲେ
କରିବେ ତ ତାରଣ....
Post a Comment