ନିର୍ଜନ ପଥେ - ଶୁଭଦୃଷ୍ଟି - Shubhdristi

ନିର୍ଜନ ପଥେ - ଶୁଭଶ୍ରୀ ଶୁଭସ୍ମିତା ସାହୁ

ଥକିଲାଣି ପାଦ, ଆସିଲାଣି ନିଦ 

ତଥାପି ଚାଲିଛି ଧାଇଁ

ମନେ ପଡ଼ି ଗଲା ଲକ୍ଷ୍ୟ ସ୍ଥଳେ କେହି

ରହି ନାହିଁ ମୋତେ ଚାହିଁ ।

ଶିଥିଳ ମୋ ପାଦ, ବିହ୍ୱଳ ମୋ ମନ

ହୋଇଗଲା ଏକ କ୍ଷଣେ

ତୀବ୍ର ଗତିରେ ବିଷାଦର କାୟା 

ବିସ୍ତାରି ଗଲାଣି ପ୍ରାଣେ ।

ପାଣି ବୁନ୍ଦା ପାଇଁ ଯେପରି ଶୋଷିଲା

ସେପରି ମୁଁ ସାଥୀ ପାଇଁ

କିନ୍ତୁ କେବେହେଲେ ଦେଖି ନାହିଁ ମୁଁ 

ସାଥୀ ରହିଥିବ, ନିଃସ୍ୱାର୍ଥପର ହୋଇ ।

ଭାବନା ଲହରୀ ଆସି ଫେରିଗଲା

ଆଖି ପଡ଼ିଲା ନାରଙ୍ଗୀ ବାଦଲ ଉପରେ

ଆସିଲାଣି ସନ୍ଧ୍ୟା, ଭବିଷ୍ଯତ ରାତି 

କିନ୍ତୁ ମୋର ଲକ୍ଷ୍ୟ ନୁହେଁ ବି ତ ଦୂରେ ।