ସଂଧ୍ଯାର ଶାନ୍ତି - ପବିତ୍ର ଦାସ
ଆଃ କି ଶାନ୍ତି !
ପରମ ଉଲ୍ଲାସରେ ପ୍ରଶମିତ ହେଲା,ଦେହ ମନ
ପ୍ରାଣରେ ଭରିଲା ଜୀବନ;
ଆଉ ତୃପ୍ତ ହେଲା,ଆତ୍ମାରେ ଗ୍ରୀଷ୍ମର ସନ୍ତାପ ।।
ଯେମିତି କଷ୍ଟମରକୁ,ଦେଖିଲେ ରିଟେଲର
ଭଗବାନଙ୍କୁ ଦେଖିଲେ ଭକ୍ତ
ସେମିତି ଏ ସଂଧ୍ୟାରେ,ବର୍ଷାକୁ ଦେଖି ଚାଷୀ ମନ ।।
ପରମ ଭାବାବେଗରେ ଏଇ ମୁହୂର୍ତ୍ତକୁ
ଚାହିଁ ଚାହିଁ ଶୁଖିଛି,ଦେହରୁ ଝାଳ
ଅପେକ୍ଷା କରି ତୁଟିଛି, ମନରୁ ବଳ
ହେଲେ ଆଜି,ଶ୍ରାବଣର ଏ ବାରି ଧାରା
ଆଣିଦେଲା ସମସ୍ତଙ୍କ ଆଖିରେ,ଖୁସିର ଝଲକ ।।
ଯେମିତି ନ ଦେଖିଲେ ପ୍ରେମିକାକୁ
ପୂରେ ନାହିଁ ଜମାରୁ,ଦେହ ମନ
ବୁକୁରେ ଭରେ ନାହିଁ,ସ୍ପନ୍ଦନ
ସେମିତି ଶ୍ରାବଣର ବାରି ଧାରା;
ମୁହୂର୍ତ୍ତକେ ଆତ୍ମାରେ ଲଗେଇଲା ଅଞ୍ଜନ ।।
Post a Comment